Natura Filii Irae Historia Interpretationis Eph. 2,3 Ejusque Cum Doctrina de Peccato Originali Nexus: Historia Interpretationis Eph. 2,3e Jusque Cum Doctrina de Peccato Originali Nexus

De fine et utilitate hujus disquisitionis historico-exegeticae vix aliquid est dicendum. Id enim quam maxime in proposito fuit, ut historiam conficerem interpretationis eorum verborum, quae hujus sunt operis argumentum atque eorundem examinarem sensum in contexta etiam oratione, ratione habita eorundem momenti in historia doctrinae de peccato originali. Quod cum hucusque ea qua oportet soliditate factum esse non videatur, id pro viribus faciendum suscepi. Ipsa vero operis moles sufficienter ostendit, quanta potuerint utcumque de praejacente materia disputari quantaque cum frequentia Veteres de loco nostro in questione de peccato originali sint locuti. Quos omnes pro mea possibili tate prosequi in proposito fuit, ut perspiciatur, quid auctoritatis habeant in interpretazione ejusdem loci necnon ut lector facile per semetipsum sudice de recta singolorum interpretazione et momento. Qua de re atque de aliis cum ea conexis quaestionibus in Prolegomenis enucleatius disputabo. Mirantibus autem, quare Latine scripserim, id imprimis respondeo, nihil aliud in mente fuisse, quam eorum exemplum imitari, qui sive olim sive recentius Magnos sibi Ecclesiae Doctores Medii Aevi aemulandos proposuerunt, qui Latinitatem Ecclesiasticam, quam vocant, maxima sua auctoritate veluti consecraverunt posterisque tradiderunt.